گوز آچ قلم داشدان یازاخ داغلاردان

کولدان یازاخ آغاشلاردان باغلاردان

سن دیّسن یازاخ چایدان چمنن

من دیئرم  یازاخ دشت و دمنن

عیبی یوخ قوی یازیم منده قلمنن

سن دیسَن منی اَ لَه سالیبسان 

سوز قوتولوب کیشی معطل قلیبسان

قلم اوینات یازاخ چرخ فلکدن

بلکه نجات تاپاخ اوجا کلکدن

اوینادیرام  سوزوم گچمیر الکدن

محکم توتوب چرخ  فلک بیلکدن

دلین سوزی دردی درمان ایلمز

مطلب اودی آخیب گله اورکدن

سیزماساجوهرون آغلار دفتریم

جوهرسیز قلملر اولار محزریم

جهد ایله سوزلرون دوشسون دیلّره

قلمون گچمسین الدن الّره

هاشمی تپراخسان ایاقلار آلتدا

سوزلر ترسه گلدی دفتری قاتدا

 .........................................